London Kral Kollecinin alimləri London İmperial Kolleci ilə birlikdə ilk dəfə laboratoriyada insan dişlərini yetişdiriblər.
The Telegraph-ın qeyd etdiyi kimi , elm adamları dişlərin inkişafı üçün lazım olan mühiti təqlid edən, hüceyrələrə siqnal göndərməyə və diş formalaşdırmağa başlamağa imkan verən material hazırlayıblar. Həmçinin qeyd olunub ki, implant və plomblardan fərqli olaraq, belə bir diş insanın çənəsinə inteqrasiya olunaraq bərpa oluna bilər.
Məqalədə deyilir: “Kəşf xəstələrin gələcəkdə plomblara və ya diş implantlarına alternativ olaraq itirilmiş dişlərini bərpa edə bilmələrinə səbəb ola bilər”.
Stomatoloq-cərrah, “Rusiya Dental Implantasiya Mərkəzi” stomatoloji klinikalar şəbəkəsinin baş həkimi Sabit Əliyev bir müddət əvvəl bildirib ki, vitaminlər və faydalı minerallar olmayan pəhriz dişlərin tökülməsinə səbəb ola bilər.
DOĞRU.AZ
