Hollivud ulduzu Corc Kluninin həyat yoldaşı, tanınmış vəkil Amal Kluni həmkarı Cefri Robertsonla birlikdə Ermənistanda həbs olunan biznesmen Samvel Karapetyanın hüquqlarının müdafiəsinə qoşula bilər.
Doğru.az xəbər verir ki, bu barədə Karapetyanın Müdafiə Şurası məlumat yayıb. Bildirilir ki, Robertson artıq Karapetyanın müdafiəsi ilə məşğul olan beynəlxalq vəkillər qrupuna qoşulmaq imkanını nəzərdən keçirir.
RİA Novosti yazır ki, Avropa İnsan Hüquqları Məhkəməsində təmsilçiliyin növbəti mərhələsində Amal Kluninin də prosesə rəsmi şəkildə cəlb edilməsi ehtimalı nəzərdən keçirilir.
Xatırladaq ki, daha əvvəl məhkəmə Ermənistanın Elektrik Şəbəkələri şirkətinin milliləşdirilməsi ilə bağlı işdə Karapetyanın lehinə qərar çıxarıb.
DOĞRU.AZ
