Azərbaycan musiqisi təkcə səslərin ahəngi deyil, xalqın tarixi, ruhu və kimliyidir. Muğamdan tutmuş xalq mahnılarına, klassik bəstəkarlıqdan müasir janrlara qədər bu musiqi zəngin ənənəyə söykənir.
Mütəxəssislər hesab edirlər ki, Azərbaycan musiqisi milli köklərə sadiq qalmaqla yanaşı, müasir dövrün tələblərinə də uyğun inkişaf etməlidir. Ənənə ilə yeniliyin vəhdəti musiqimizin həm ölkə daxilində, həm də beynəlxalq arenada tanınmasına şərait yaradır.
Doğru.az xəbər verir ki, musiqi ictimaiyyətində aparılan müzakirələrdə vurğulanır ki, keyfiyyətli söz, canlı ifa və peşəkar yanaşma Azərbaycan musiqisinin əsas meyarları olmalıdır. Süni populyarlıq deyil, məzmun və sənət dəyəri ön planda dayanmalıdır.
Qeyd olunur ki, gənc ifaçıların milli musiqiyə marağının artırılması, klassik irsin qorunması və yeni nəfəsin dəstəklənməsi Azərbaycan musiqisinin gələcəyini formalaşdıran əsas amillərdəndir.
Azərbaycan musiqisi dünən olduğu kimi bu gün də xalqın səsi, sabah isə milli kimliyimizin dünyaya açılan pəncərəsi olmalıdır.
Kəminə Əskərova
DOĞRU.AZ
