Amerika lideri Co Bayden və ABŞ-ın vitse-prezidenti Kamala Harris iyulun 25-də İsrailin baş naziri Binyamin Netanyahu ilə ayrı-ayrılıqda görüşəcəklər. Bu barədə Ağ Evin yaydığı məlumatda deyilir.
Hesabatda əsas müzakirə mövzularının atəşkəs və Fələstinin Həmas hərəkatı tərəfindən Qəzza zolağında saxladığı girovların azad edilməsi, həmçinin İran və digər Yaxın Şərq ölkələrinin İsrailə qarşı “təhlükəsizlik təhdidinə” qarşı mübarizə məsələsi olacağı qeyd edilir.
Görüşdən sonra Bayden və Netanyahu Həmas tərəfindən girov götürülən amerikalıların ailələri ilə danışacaqlar.
“Həmin gün vitse-prezident baş nazir Netanyahu ilə də ayrıca görüşəcək”, – RİA Novosti mesajın mətnindən sitat gətirir.
Bundan əvvəl məlum olub ki, ABŞ prezidentliyinə namizəd Donald Tramp iyulun 26-da Floridada Netanyahu ilə görüşəcək.
Mənbə RİA Novosti
