Belarusu tərk edən müxalifətçilərin əmlakına həbs qoyulmağa başlayıb. Bu barədə ONT telekanalı məlumat yayıb.
Telekanalın məlumatına görə, xaricdə dövlət əleyhinə fəaliyyət göstərən müxalifətçilərin əmlakı qiyabi hökmlərdən sonra dəymiş ziyanın əvəzi kimi həbs edilir.
“Xaricdəki müxalifətçilər Belarusa qarşı sanksiyalar tətbiq etməyə çağırırlar və buna görə biz onları qiyabi olaraq uzun illər həbs cəzasına məhkum edirik”, – mesajda deyilir.
Artıq on müxalifətçinin mənzilinin zəbt olunduğu qeyd edilir.
Mənbə: Sputnik
