Microsoft-un yaradıcısı və multimilyarder Bill Qeyts korporasiyanın süni intellekt sahəsində fəaliyyətinə pərdə arxasında rəhbərlik etməyə davam edir.
Bu barədə “Business Insider” şirkətin keçmiş və indiki rəhbərlərinə istinadən xəbər verir.
Onların sözlərinə görə, Qeyts Microsoft-a süni intellekt siyasəti ilə bağlı məsləhətlər verir, məhsulları nəzərdən keçirir, yüksək səviyyəli rəhbərlərin seçimində iştirak edir, həmçinin ChatGPT OpenAI tərtibatçısının baş icraçı direktoru Sem Altman ilə yaxın münasibət saxlayır.
Mənbələrdən biri bildirib ki, Qeyts və Altman yaxın dostdur. Buna görə də OpenAI Qeytsin fikrini ciddi qəbul edir və onunla məsləhətləşir.
Mənbə: Haberler.com
