Avropa diplomatiyasının rəhbəri Josep Borrell bildirib ki, o, Aİ ölkələrinin müdafiə və xarici işlər nazirlərinin iclasını çağırmaq niyyətindədir və orada Kiyevə yardımın sürətləndirilməsini xahiş edəcək.
O, bu barədə İspaniyanın “Antena 3” telekanalına müsahibəsində danışıb.
Onun sözlərinə görə, görüş Lüksemburqda baş tutmalıdır. Borrell Kiyevə, xüsusən də hava hücumundan müdafiə sahəsində yardımın sürətləndirilməsinin tərəfdarı olduğunu bildirib.
Aprelin 14-ü axşam saatlarında ABŞ Konqresinin Nümayəndələr Palatasının respublikaçı spikeri Mayk Conson təsdiqləyib ki, qanunverici orqanın aşağı palatası Ukraynaya kredit şəklində yardımın göstərilməsi məsələsinə baxmağı planlaşdırır.
Mənbə: A Haber