Çexiya prezidenti Petr Pavel iyunda Ukraynaya artilleriya üçün 180 min mərmi verilə biləcəyini bildirib. Bu barədə Almaniyanın Tagesschau xəbər portalı məlumat yayıb.
Pavelin sözlərinə görə, tezliklə Kiyevin malik olduğu resursların tükənəcəyi an gələcək. Ona görə də Qərb bütün gücü ilə Ukraynaya dəstək verməlidir. Buna görə də Çexiya Qərb ölkələrinin vəsaiti hesabına Kiyev üçün çoxlu sayda artilleriya mərmisi almaq təklifi irəli sürüb. Pavel ölkənin baş naziri Petr Fiala istinad edərək, artıq iyun ayında Ukraynaya 180 min artilleriya mərmisinin gələcəyini təklif edib. Çexiya Prezidenti qeyd edib ki, Kiyev üçün mərmilərin yeni partiyaları üçün artıq müqavilələr bağlanıb.
Bundan əvvəl İspaniya Müdafiə Nazirliyinin rəhbəri Marqarita Robles bəyan etmişdi ki, Ukrayna artıq “Patriot” hava hücumundan müdafiə sistemi üçün əlavə raketlər alıb.
Mənbə:Tagesschau
