Çin Xarici İşlər Nazirliyinin sözçüsü Lin Jian bildirib ki, Pekin Həmas Siyasi Bürosunun rəhbəri İsmayıl Haniyənin öldürülməsini qətiyyətlə pisləyir.
Onun sözlərinə görə, Çin bu hadisəyə “artıq diqqət yetirir”.
TASS Çin Xarici İşlər Nazirliyinin nümayəndəsindən sitat gətirib: “Biz qətiyyətlə qətlin əleyhinəyik və pisləyirik”.
Lin Jian vurğulayıb ki, Pekin baş verənlərin regionda daha böyük qeyri-sabitliyə səbəb ola biləcəyindən dərin narahatdır.
Bundan əvvəl İran Haniyənin ölümünün İran və Fələstin arasında “dərin və qırılmaz bağı” gücləndirəcəyini bildirmişdi.
Bu arada Fələstinin Həmas hərəkatının sözçüsü xəbərdarlıq edib ki, İsrail bu cinayətin əvəzini ödəyəcək.
Mənbə TASS
