Noyabrın 19-da səhər saatlarında Çinin mərkəzi Çanqde şəhərində avtomobil ibtidai məktəbin qarşısında insanların üzərinə sürüb.
Bu barədə Çin Xalq Respublikasının Mərkəzi Televiziyası məlumat yayıb . Çoxlu məktəbli yaralanıb, onların dəqiq sayı göstərilmir. Bir neçə nəfər xəstəxanaya yerləşdirilib.
RİA Novosti-nin yerli KİV-ə istinadən verdiyi məlumata görə , sürücünü hadisə yerində şagirdlərin valideynləri və məktəbin təhlükəsizlik işçiləri saxlayıb. Kişinin motivləri məlum deyil.
Bundan əvvəl Çinin Çjuhay şəhərində yolsuzluq avtomobilinin izdihamı vurması nəticəsində 35 nəfər ölüb , 43 nəfər yaralanıb.
DOĞRU.AZ
