Ermənistan Radio və Televiziya Komissiyasının sədri Tiqran Akopyan ictimai multipleksdə Rusiya telekanallarının sayını azaltmağa çağırıb.
“Əgər biz o vaxt Rusiyanı dövlət multipleksimizdə tezliklərlə təmin etməsəydik, o zaman keçən il əlaqələrimizdə belə gərginlik olmazdı”, – deyə TASS onun sözlərindən sitat gətirir.
Onun sözlərinə görə, hazırda Fransa tərəfi tezliklər istəyir.
“Hesab edirəm ki, bizim ictimai multipleksimizdə xarici televiziya şirkətlərinin olması əhəmiyyətli dərəcədə azaldılmalıdır”, o əlavə edib.
Agentliyin qeyd etdiyi kimi, hazırda Ermənistanda ictimai multipleks vasitəsilə yalnız üç Rusiya telekanalı xaricdən retranslyasiya edilir: Birinci Kanal, Kultura və RTR-Planeta.
DOĞRU.AZ
