Yəmən husiləri İsrailin Təl-Əviv və Aşkelondakı hədəflərinə dörd pilotsuz təyyarə zərbəsi endirib.
Bu barədə Yəmən Silahlı Qüvvələrinə istinadən Al Masirah telekanalı məlumat yayıb.
“Biz üç Yaffa tipli pilotsuz uçan aparatdan istifadə etməklə işğal olunmuş Yaffa bölgəsində İsrail düşməninin həyati və hərbi hədəflərinə ikiqat hərbi əməliyyat keçirdik”, – deyə məlumatda bildirilir.
Husilər həmçinin Aşkelondakı kritik obyektə pilotsuz təyyarə ilə hücum ediblər.
Bundan əvvəl husilər bir gündə iki dəfə İsrailin Nevatim aviabazasına hücum ediblər.
DOĞRU.AZ
