İran prezidenti İbrahim Rəisi övladlarının və nəvələrinin faciəvi ölümü ilə əlaqədar HƏMAS-ın siyasi bürosunun rəhbəri İsmayıl Haniyəyə başsağlığı verib.
Bu barədə RİA Novosti yazır.
Bundan əvvəl media Qəzza zolağında hakim olan Fələstinin HƏMAS hərəkatının Siyasi Bürosunun rəhbəri İsmayıl Haniyənin üç oğlu və bir neçə nəvəsinin İsrailin bölgəyə endirdiyi zərbə nəticəsində öldürüldüyü barədə məlumat yaymışdı.
İsmayıl Haniyə özü də yaxınlarının itkisini şərh edərkən vurğuladı ki, bu, hərəkatın Qəzza zolağında atəşkəs istəyinə təsir etməyəcək.
Oğullarının və nəvələrinin ölüm xəbərlərindən sonra dərc olunan açıqlamasında Haniyə İsraillə mübarizə illərində onun 60-a yaxın qohumunun həlak olduğunu qeyd edib.
Mənbə: RİA Novosti
