İran yeni nəsil hipersəs ballistik raketlər hazırlayacaq.
Tasnim xəbər verir ki, bunu İran İnqilabı Keşikçiləri Korpusunun Əməliyyat Komandanlığının müavini Abbas Nilfuşan deyib.
“Yeni nəsil hipersəs ballistik raketlər hazırlanır. Bu gün biz əvvəllər təqdim etdiyimiz “Fəttah” hipersəs raketi kimi 2000 kilometr mənzilli raketlərimizin keyfiyyətini və imkanlarını yaxşılaşdırmağa çalışırıq”, – deyə o bildirib.
Sentyabrın 3-də İran Hərbi Dəniz Qüvvələrinin baş komandanı kontr-admiral Şəhram İrani bildirib ki, tezliklə Hərbi Dəniz Qüvvələrinin tərkibinə daxil olacaq “Dəmavənd 2” esminesi hipersəs raketləri ilə təchiz olunacaq.
Mənbə: Gazeta.ru
