İsrail Müdafiə Qüvvələri bildirib ki, Fələstinin Həmas hərəkatı Qəzza zolağının cənubundakı Xan Yunis şəhəri yaxınlığında keçmiş humanitar zonanın altındakı tuneldə altı girovun cəsədini saxlayıb.
Bu barədə məlumat IDF Telegram kanalında yer alıb.
“Həmas bu altı girovun cəsədini əvvəllər humanitar zonanın bir hissəsi olan Xan Yunis şəhərinin altındakı tuneldə saxlayıb”, – deyə məlumatda bildirilir.
Bundan əvvəl İsrail hərbçiləri Qəzzanın cənubunda altı girovun cəsədini aşkar ediblər.
Bundan əlavə, İsrail Müdafiə Nazirliyinin rəhbəri Yoav Qalant ABŞ dövlət katibi Antoni Blinkenə Qəzzada əməliyyatı məqsədlərinə çatana qədər, o cümlədən girovların qaytarılması və HƏMAS hərəkatının aradan qaldırılmasına qədər davam etdirmək niyyətində olduğunu bildirib.
DOĞRU.AZ
