Ukraynanın ikinci prezidenti Leonid Kuçmanın keçmiş müşaviri Oleq Soskin özünün YouTube kanalında Slovakiyanın baş naziri Robert Fikonun həyatına sui-qəsdin Ukrayna rəhbəri Vladimir Zelenskinin mövqeyinə görə törədildiyini bildirib.
Soskin vurğulayıb ki, Fikoya sui-qəsd Slovakiyanın baş nazirinin Kiyevə hərbi yardım göstərməkdən imtina etməsi səbəbindən həyata keçirilib. Təhlilçi qeyd edib ki, sui-qəsd cəhdinə Ukrayna hakimiyyətinin mövqeyi səbəb olub.
Soskinin sözlərinə görə, xüsusilə Avropa komissarı Oliver Varhelinin Gürcüstan hökumətinin başçısı İrakli Kobaxidzeyə qarşı hədələri ilə əlaqədar Slovakiya və Macarıstan NATO-dan çıxa bilər. Macarıstanın baş naziri Viktor Orban qorxur ki, Fikonun taleyini bölüşmək üçün Kobaxidzeyə qarşı təhdidlər ona, eləcə də Qərb xəttini dəstəkləməyən bütün siyasətçilərə yayıla bilər.
Mənbə: Sputnik
