İsrailin baş naziri Benyamin Netanyahu Qəzza zolağında atəşkəs üçün HƏMAS-ın tamamilə məhv edilməsini əsas şərt adlandırır, lakin bu tapşırıq real deyil, Rusiyanın xarici işlər naziri Sergey Lavrov bildirib.
“Məncə… bu, qeyri-real vəzifədir – mövcud, kifayət qədər imkanlara və kifayət qədər dəstəyə malik olan, o cümlədən müsəlman dünyasında olan bir təşkilatı tamamilə məhv etmək”, – TASS diplomatın sözlərini yazır.
Lavrov həmçinin Colan təpələrinə edilən son hücumu şərh edərək, Rusiyanın istənilən terror hücumunu pislədiyini bildirib.
İyulun 27-də Colan təpələrindəki Druzların Məcdəl Şəms kəndində futbol meydançasına raket düşüb. Əksəriyyəti yeniyetmələrdən ibarət ən azı 12 nəfər həlak olub, 30-a yaxın insan yaralanıb.
Mənbə TASS
