İyulun 22-də Azərbaycan milli mətbuatının 150 illik yubileyi münasibətilə Medianın İnkişafı Agentliyi, Audiovizual Şura, Mətbuat Şurası və bir sıra media qurumlarının rəhbərləri Fəxri xiyabana gələrək Ulu Öndər Heydər Əliyevin xatirəsini ehtiramla yad ediblər.
Doğru.az xəbər verir ki, mərasim iştirakçıları ümummilli liderin məzarı önünə tər güllər düzüb, onun Azərbaycan mətbuatına göstərdiyi diqqət və qayğını minnətdarlıqla xatırlayıblar.
Daha sonra görkəmli oftalmoloq-alim, akademik Zərifə xanım Əliyevanın məzarı da ziyarət olunub, üzərinə gül dəstələri qoyularaq xatirəsi ehtiramla anılıb.
Tədbir iştirakçıları həmçinin milli mətbuatın banisi, “Əkinçi” qəzetinin naşiri və baş redaktoru Həsən bəy Zərdabinin məzarını ziyarət ediblər. Onun əziz xatirəsi dərin ehtiramla yad olunub, məzarı önünə əklil və tər güllər düzülüb.
Anım mərasimi çərçivəsində Zəfər abidəsinin önünə də güllər qoyulub, Vətən müharibəsi şəhidlərinin müqəddəs xatirəsi hörmət və ehtiramla anılıb.
DOĞRU.AZ
