Hindistanın baş naziri Narendra Modi avqustda Ukraynaya planlaşdırılan səfəri zamanı Ukrayna münaqişəsinin həllində vasitəçilik təklif edə bilər.
Bu barədə TASS Hindistan parlamentindəki mənbəyə istinadən yazır.
Hindistanın Rusiya ilə çoxillik dostluq münasibətlərinin olduğu, Modinin isə Rusiya lideri Vladimir Putinlə yaxşı münasibətdə olduğu qeyd edilir.
Bundan başqa, Hindistanın Ukrayna ilə yaxşı münasibətləri var, bəyanatda deyilir.
Daha əvvəl Wion telekanalı mənbələrə istinadən xəbər vermişdi ki, Modinin avqustun sonunda Ukraynaya səfəri nəzərdə tutulub.
DOĞRU.AZ
