Milli Hokkey Liqasında (NHL) növbəti maraqlı oyun baş tutub. “Minnesota Wild” komandası doğma meydanda “Vaşinqton Kapitals” üzərində 5:0 hesablı inamlı qələbə qazanıb.
Doğru.az xəbər verir ki, ev sahibləri Aleksandr Oveçkinin də yer aldığı qonaq komandanın qapıya endirdiyi 25 zərbənin heç birinin qol olmasına imkan verməyib.
Matçın əsas qəhrəmanları “Minnesota”nın rusiyalı hücumçuları olublar. Vladimir Tarasenko iki dəfə fərqlənərək oyunda birinci və üçüncü qolları vurub. Kirill Kaprizov aktiv oyunu ilə komandasının üstünlüyünü artırıb. Danila Yurov isə bir qol və iki məhsuldar ötürmə ilə yadda qalıb.
“Vaşinqton Kapitals” oyun ərzində əldə etdiyi iki say üstünlüyü (power play) imkanından yararlana bilməyib. Bu mövsüm komandalar arasındakı seriyada hesab 1:1-dir və hər iki qarşılaşmada “Minnesota Wild” eyni – 5:0 hesabı ilə qalib gəlib.
Qeyd edək ki, daha əvvəl NHL-in müntəzəm mövsüm matçında “Anaheim Ducks” komandası “New York Rangers” üzərində qələbə qazanmışdı.
DOĞRU.AZ
