Ermənistanın Baş naziri Nikol Paşinyan ölkəsinin və Azərbaycanın enerji sistemlərinin birləşdiriləcəyini açıqlayıb.
Doğru.az xəbər verir ki, Paşinyan parlamentdə hökumət saatı zamanı bildirib ki, Ermənistan və Azərbaycan enerji şəbəkələrini bir-birinə qoşacaq.
Baş nazirin sözlərinə görə, bu addım iki ölkəyə qarşılıqlı şərtlərlə enerji idxal imkanlarından istifadə etməyə şərait yaradacaq: “Bəli, şübhəsiz ki, Ermənistan və Azərbaycanın enerji sistemləri bir-birinə qoşulacaq və biz qarşılıqlı şərtlər altında idxal imkanlarından yararlanacağıq”.
Bu təşəbbüs regionda enerji əməkdaşlığının inkişafı və enerji təhlükəsizliyinin gücləndirilməsi baxımından əhəmiyyətli hesab olunur.
DOĞRU.AZ
