Roskosmosun baş direktoru Yuri Borisov bildirib ki, Roskosmos və Amerika NASA vahid dok modullarının yaradılması üzrə danışıqlar aparır.
“Təhlükəsizliyin maraqları baxımından biz universal dok modullarının yaradılması ilə bağlı razılığa gəlirik, çünki orbitdə astronavtın həyatı ən qiymətli şeydir”, – bəyanatda deyilir.
O qeyd edib ki, bu, fövqəladə vəziyyət və ya digər gözlənilməz hallar zamanı Amerika və Rusiya gəmilərinin bir-birinə yanaşması üçün zəruridir.
“Burada parçalanacaq heç nə qalmayıb, insanları xilas etməliyik. Hesab edirəm ki, biz bu istiqamətdə fəaliyyətimizi davam etdirəcəyik”.
Mənbə: RİA Novosti
