Rusiya Xarici İşlər Nazirliyi Yaponiya-Amerika Şərq Qalxanı təlimlərinin Rusiya sərhədlərinə yaxın ərazidə keçirilməsi ilə bağlı kəskin etirazını bildirib.
Doğru.az xəbər verir ki, bu barədə Rusiya Xarici İşlər Nazirliyinin saytında məlumat verilib.
“İyulun 18-26-da Yaponiyanın Rusiyadakı səfirliyinə “Orient Shield” birgə Yaponiya-Amerika təlimi ilə bağlı kəskin etiraz edilib. Hokkaydo Rusiya Federasiyasının sərhədlərinə yaxın ərazidə yerləşir”, – məlumatda deyilir.
XİN həmçinin vurğulayıb ki, sərhədlər yaxınlığında təxribat xarakterli hərbi fəaliyyət yolverilməzdir. Qeyd olunur ki, Moskva bunu Rusiyanın təhlükəsizliyinə potensial təhdid kimi qiymətləndirir.
Əvvəllər ABŞ-ın tezliklə Yaponiya, Avstraliya və Filippinlə yeni dəniz təlimləri keçirmək niyyətində olduğu bildirilirdi.
DOĞRU.AZ
