Şahzadə Harri xəstə atası III Çarlzın təklifini rədd etdi.
Bu barədə The Sunday Times məlumat yayıb.
Keçən həftə Şahzadə Harri üç günlük Londona uçdu. Jurnalistlərin fikrincə, III Çarlz kiçik oğlunu İngiltərənin paytaxtında kral mənzilləri ilə təmin etməyə hazır idi. Monarxın yaxın çevrəsindən olan insayderlər iddia edirlər ki, Sasseks hersoqu razılaşsaydı, onun atasını görmək “daha asan” olardı. Bununla belə, Şahzadə Harri oteldə qalmağa qərar verib.
“Hamısı kədərlidir. Kral, bütün bu ziyarətləri əhatə edən şırınganı nəzərə alaraq, Harri ilə görüşməkdən ehtiyatlanır. Amma o, təbii ki, oğlunu indi, ən həssas məqamda görməyə razı olardı”, – monarxa yaxın mənbə bildirib.
Aprel ayında məlum oldu ki, Sasseks hersoqu Böyük Britaniya ilə əlaqələri kəsib. Şirkətlər Evinin dərc etdiyi sənədlər kral III Çarlzın kiçik oğlunun yeni yaşayış yerinin ABŞ olduğunu göstərir. Münasibətlər üzrə ekspert Luella Alderson deyib ki, Şahzadə Uilyam qardaşının qərarına mənfi reaksiya vermiş ola bilər.
Mənbə: Haberler.com
