Skoda ikinci nəsil Kodiaq krossoverini Çin bazarına təqdim etməyəcək ki, bu da brendin Çindən tezliklə ayrılmasının əlaməti ola bilər.
Bu barədə Automotive News Europe məlumat yayıb.
Nəşrin yazdığına görə, Skoda Volkswagen-ə ölkədəki səylərini rəqabətli bazarda çətinliklər yaşayan VW brendi üzərində cəmləşdirmək üçün Çində satışları dayandıra bilər.
Çində Skoda satışları 2019-cu ildə azalmağa başlayıb. Bu ilin avqust ayında ölkədə 15,3 min avtomobil satılıb ki, bu da bir il əvvəlkindən 52% azdır. Çində Skoda avtomobilləri SAIC Volkswagen Automotive birgə müəssisəsi tərəfindən istehsal olunur.
Mənbə: Autotech
