Tehranın meri Əlirza Zəkani şəhərdə baş verən etirazlar zamanı ciddi dağıntıların olduğunu açıqlayıb. TRT Arabi-yə istinadən verilən məlumata görə, iğtişaşlar zamanı 24 yaşayış binası, 25 məscid, iki xəstəxana və 26 bank vandalizm yolu ilə dağıdılıb. Bundan əlavə, etirazçılar 48 yanğınsöndürmə maşınını da yandırıblar.
Doğru.az xəbər verir ki, ABŞ Prezidenti Donald Tramp bir müddət əvvəl İrandakı vəziyyəti “problemli” adlandıraraq, ABŞ hakimiyyət orqanlarının kütləvi zorakılıq halında sərt cavab verməyə hazır olduğunu bildirmişdi.
Buna cavab olaraq, İranın xarici işlər naziri Abbas Əraqçi ABŞ və İsrailin yeni hücumunun mümkün olmadığını bildirib. İranın Ali Lideri Əli Xamenei isə etirazçıları Trampı razı salmağa çalışmaqda günahlandırıb və ölkədəki gərginliyin bundan qaynaqlandığını qeyd edib.
İran hakimiyyəti hazırda vəziyyətin nəzarət altında olduğunu bildirir, etirazların səbəbləri və gələcək tədbirlər isə araşdırılır.
DOĞRU.AZ
