Respublikaçılar Partiyasından prezidentliyə namizəd Donald Tramp qələbə qazanacağı təqdirdə ölkənin Kosmik Qüvvələrinin Milli Qvardiyasını yaratmağa söz verib.
Bu barədə TASS məlumat yayıb.
Trampın sözlərinə görə, ABŞ Kosmik Qüvvələrinin əsas döyüş ehtiyatı kimi Milli Kosmik Qvardiya yaratmağın vaxtı çatıb.
“Prezident olanda kosmos milli qvardiyasının yaradılması haqqında tarixi qanunu imzalayacağam”, – deyə siyasətçi vurğulayıb.
Eyni zamanda Tramp əlavə edib ki, 2019-cu ildə kosmik qüvvələrin yaradılmasına göstəriş verməklə Rusiya və Çinin ABŞ-ı qabaqlamasına imkan verməyib.
Bundan əvvəl amerikalı iş adamı İlon Mask Ayda Amerika bazasının yaradılmasının tərəfdarı idi.
Həmçinin, onun fikrincə, Amerikanın Marsa astronavt göndərməklə böyük zirvələrə çatmasının vaxtı çatıb.
DOĞRU.AZ
