Türkiyə parlamentinin ədalət komitəsinin rəhbəri Cüneyt Yüksel Türkiyənin Beynəlxalq Ədalət Məhkəməsində CAR-ın İsrailə qarşı iddiasına qoşulduğunu bildirib.
Doğru.az xəbər verir ki, bu barədə RİA Novosti xəbər verir
“Biz fələstinlilərin maraqlarını müdafiə edərək bu iddianı sona qədər davam etdirəcəyik. Bu gündən etibarən Türkiyə dosye təqdim etməklə İsrailə qarşı iddiaya qoşulur”, – deyə agentlik onun sözlərini sitat gətirir.
Türkiyə Xarici İşlər Nazirliyi avqustun 5-də İsrailə qarşı iddiaya qoşulmaq üçün BMT məhkəməsinə ərizə təqdim etmək niyyətində olduğunu açıqlayıb.
Bir müddət əvvəl Türkiyə Xarici İşlər Nazirliyinin rəhbəri Hakan Fidan bildirib ki, Qərb dövlətləri eyni vaxtda Ukrayna və İsrailə dəstək verməklə ikiüzlülük nümayiş etdirirlər.
DOĞRU.AZ
