Doğru.Az xəbər verir ki, 16.08.2022-ci il tarixdə Gəncə Regional Mədəniyyət İdarəsi Xocalı rayon Yaloba kənd Tarix -Diyarşünaslıq muzeyində Xurşidbanu Natəvanın 190 illiyinə həsr olunmuş “Azərbaycan qadınının parlaq siması” adlı tədbir keçirildi.Tədbirdə Xocalı rayon Kosalar kənd icra nümayəndəliyinin əməkdaşı, Xocalı rayon Kosalar kənd Mədəni -maarif müəssisələrinin işçiləri və məktəblilər iştirak etdilər.
Tədbiri giriş sözü ilə açan muzeyin direktoru Tofiq Məmmədov tədbirlər planına uyğun olaraq Xurşidbanu Natəvanın 190 illiyi ilə bağlı keçirilən silsilə tədbirlərin əhəmiyyətindən danışdı.
Sonra məruzə üçün söz muzeyin bələdçisi Xatirə İsmayılovaya verildi.Məruzə dinlənildikdən sonra çıxışlar davam etdirildi.Bu cür tədbirlərin gələcəkdə də davam etdirilirməsi və gənc nəsilə çatdırılmasının vacibliyi qeyd olundu.Daha sonra Xurşidbanu Natəvanın həyat və yaradıcılığını əks etdirən videoçarx nümayiş etdirildi.