Ukrayna prezidenti Vladimir Zelenski axşam videomüraciətində bildirib ki, Xarkov Ukrayna ali komandanlığının iclaslarında mərkəzi yer tutur.
Video Ukrayna liderinin Telegram kanalında yayımlanıb.
“İndi maksimum diqqət Xarkova yönəldilir. Bu gün mən qərargahda iclas keçirdim, burada əsas mövzu Xarkov bölgəsi olub”, deyə o bildirib.
Zelenski əlavə edib ki, Kiyev Qərb müttəfiqləri ilə birlikdə Xarkovda hava hücumundan müdafiəni gücləndirmək üçün fəal işləyir.
Bundan əvvəl Zelenski Xarkovun havadan müdafiəsi ilə bağlı çətin vəziyyəti açıqlayıb və Qərb müttəfiqlərini ölkəni daha çox hava hücumundan müdafiə sistemləri ilə təmin etməyə çağırıb. Onun sözlərinə görə, “dünyada Xarkovu qoruya bilən hava hücumundan müdafiə sistemləri var”, lakin bu sistemləri Ukrayna Silahlı Qüvvələrinə ötürmək üçün “yalnız siyasi iradə lazımdır”.
Mənbə: A Haber
