Ukrayna prezidenti Vladimir Zelenski Yunanıstanın Amerika F-16 qırıcılarında ukraynalı hərbi pilotlar üçün təlim proqramına qoşulacağını bildirib.
Bu barədə Ukrayna prezidentinin Telegram-kanalında məlumat verilib.
Zelenski qeyd edib ki, Afinada “hava koalisiyası” üçün mühüm nəticə əldə olunub, çünki Yunanıstan F-16 təyyarələrində ukraynalı pilotların təlimində iştirak edəcək. O, Yunanıstanın baş naziri Kiriakos Mitsotakisə “Ukraynanın azadlığını qorumaq üçün daha çox şey etməyə hazır olduğuna görə” təşəkkür edib və Afinanın Ukraynanın müdafiəsini dəstəkləyəcəyindən məmnunluğunu ifadə edib.
Zelenski həmçinin Ukrayna və Yunanıstan arasında münasibətlərin daha da sıx və qarşılıqlı faydalı olacağına ümid etdiyini bildirib.
Mənbə: BBC
