Bu gün Misli Premyer Liqasında 2-ci tura start verilib.
Doğru.Az xəbər verir ki, turun ilk oyunu Mərdəkanda keçirilib. Burada “Zirə” ilə “Sabah” üz-üzə gəlib. İlk turda hər iki komanda qələbəyə sevinmişdi. Dörd qolun qeydə alındığı bu görüşdə isə “Sabah” qələbə qazanan tərəf olub.
Çempionlar Liqasının pley-off mərhələsinə vəsiqə qazanan “Qarabağ” bu tur Sumqayıta səfər edəcək.
“Turan Tovuz” Bakı səfərində “Səbail”lə qarşılaşacaq, “Qəbələ” isə doğma meydanda “Şamaxı”nı qəbul edəcək.
Turun son matçında Konfrans Liqasında mübarizəni dayandıran “Neftçi” evdə əzəli rəqiblərindən sayılan “Kəpəz”lə qarşılaşacaq.
