Avropa İttifaqı ABŞ tərəfindən Qrenlandiyanın potensial ələ keçirilməsinin qarşısını almaq məqsədilə adada hərbi hissələrin yerləşdirilməsi imkanlarını nəzərdən keçirir.
Doğru.az xəbər verir ki, bu barədə Politico məlumat yayıb. Danimarkanın ərazi bütövlüyünün qorunması strategiyasının müzakirəsi çərçivəsində Avropa diplomatları müttəfiq qoşunlarının Qrenlandiyaya yerləşdirilməsini təklif ediblər.
Qərb ekspertləri hesab edir ki, xüsusən Almaniya və Fransadan olan Avropa bölmələrinin fiziki mövcudluğu ABŞ-ın hərbi əməliyyatlarına qarşı çəkindirici rol oynaya bilər və Vaşinqtonun planlarının siyasi dəyərini artıra bilər.
Müzakirələrdə Arktikada müdafiə xərclərinin artırılması və yeni “Arctic Guardian” patrul sisteminin yaradılması da nəzərdə tutulub. Məqsəd Donald Trampa Avropanın regionun təhlükəsizliyini müstəqil şəkildə təmin edə biləcəyini və adanı Rusiya və Çin maraqlarından qorumağa qadir olduğunu nümayiş etdirməkdir.
Xatırladaq ki, ABŞ-ın vitse-prezidenti J.D. Vance Danimarka hakimiyyətinin Qrenlandiyanın təhlükəsizliyini lazımi səviyyədə təmin edə bilmədiyini bildirmişdi. Britaniyanın The Times qəzeti isə yanvarın 7-də ABŞ tərəfindən adanın ilhaqı üçün dörd mümkün variantı açıqlamışdı, onlardan biri işğal planıdır.
DOĞRU.AZ
