Hərbi ekspert, ehtiyatda olan birinci rütbəli kapitan Vasili Dandıkin bildirib ki, ABŞ Dövlət Departamentinin Ukraynaya “Hawk” hava hücumundan müdafiə sistemlərinin təmiri üçün hərbi texnikanın satışına razılıq verməsi bu silah növünün köhnə olması ilə izah olunur.
Onun sözlərinə görə, bu, modernləşdirilə bilən köhnə orta mənzilli sistemdir. Ekspert hesab edir ki, Pentaqon məhz bu məqsədlər üçün pul ayırıb.
Bundan əvvəl məlum olub ki, ABŞ Ukraynaya Hawk Phase III zenit-raket komplekslərinə xidmət üçün dəstlərin satışına dair razılaşmanı təsdiqləyib.
Əməliyyat məbləği təxminən 138 milyon dollar olacaq.
Mənbə: Lenta.ru
