Amerikalı rəsmilər və siyasi müşahidəçilərə istinadən “Politico” nəşri bildirir: ABŞ iyulun 4-dək Qrenlandiya üzərində nəzarəti ələ keçirməyə çalışacaq. Məqalədə deyilir: “…Amerika Birləşmiş Ştatları noyabrda keçiriləcək ara seçkilər və 4 iyul – Amerika müstəqilliyinin 250 illiyi ərəfəsində yaxın aylarda Qrenlandiya üzərində nəzarəti ələ keçirmək fürsətindən istifadə etməyə çalışa bilər”.
Doğru.az xəbər verir ki, ABŞ prezidenti Donald Tramp Venesueladakı əməliyyatdan sonra Qrenlandiya üzərində nəzarəti ələ keçirmək istədiyini açıqlayıb. Həmçinin, Ağ Evin aparat rəhbərinin müavini Stiven Millerin həyat yoldaşı Keti, ABŞ bayrağının rənglərində Qrenlandiyanın xəritəsini “tezliklə” başlığı ilə sosial şəbəkədə paylaşıb.
DOĞRU.AZ
