Rumıniya və ABŞ Abrams tankları üçün mərmilərin və NATO-nun artilleriya sursatlarının birgə istehsalına dair müqavilələr imzalayıb.
Bu barədə Rumıniya Radiosu məlumat yayıb.
İqtisadiyyat, rəqəmsallaşma, sahibkarlıq və turizm naziri Boqdan İvan deyib: “NATO standartlarına uyğun sursatın birgə istehsalı üzrə bu layihələr vasitəsilə biz Rumıniyanın müdafiə sənayesini gücləndiririk. “Rumıniya və ABŞ ortaq dəyərləri və prinsipləri bölüşür”.
Layihələrin ABŞ-ın Xarici Hərbi Maliyyələşdirmə proqramı çərçivəsində Rumıniyaya 920 milyon dollar məbləğində hərbi dəstək paketi çərçivəsində həyata keçirildiyi vurğulanır.
Bu məbləğin 700 milyon dolları Rumıniya Milli Müdafiə Nazirliyinə yönəldiləcək. Qalan 220 milyon dolları isə İqtisadiyyat Nazirliyinin tabeliyində olan ROMARM şirkəti alacaq, materialda deyilir.
DOĞRU.AZ
