Azərbaycan xalqının Ümummilli Lideri Heydər Əliyevin anadan olmasının 102-ci ildönümü münasibətilə Ağstafa rayonunda tədbir təşkil olunub.
AZƏRTAC-ın bölgə müxbirinin verdiyi məlumata görə, “Heydər Əliyev və dövlət gənclər siyasəti” mövzusunda keçirilən dəyirmi masada Ulu Öndərin və torpaqlarımızın ərazi bütövlüyü uğrunda canlarından keçən şəhidlərin xatirəsi böyük ehtiramla yad edilib.
Çıxışlarda vurğulanıb ki, Azərbaycanda gənclər siyasətinin formalaşması Ümummilli Lider Heydər Əliyevin adı ilə sıx bağlıdır. Ulu Öndər respublikamıza rəhbərliyinin bütün dövrlərində sağlam gəncliyin, Vətəninə sahib çıxa biləcək, onu inkişaf etdirəcək nəslin yetişməsinə çalışıb. Əsası Ümummilli Lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar. Gənclərin asudə vaxtlarının səmərəli təşkili, bütün sahələrdə onların potensial imkanlarının inkişaf etdirilməsi, gənc nəslin Vətənə sevgi ruhunda tərbiyə olunması daim diqqətdə saxlanılır.
Tədbirdə həmçinin, rayonun ictimai-siyasi və sosial-mədəni həyatı ilə bağlı gənclərlə fikir mübadiləsi aparılıb, onların təklif və müraciətləri dinlənilib.
DOĞRU.AZ
