Xalq artisti Alim Qasımov dizayner Aynur Xəlilovanın “YouTube”dakı “Hərşeyşünas” podkastının 3-cü mövsümünün ilk buraxılışında şəxsi həyatından maraqlı anekdotlar bölüşüb.
Doğru.az xəbər verir ki, sənətkar qaynanası və tanışlıqları ilə bağlı xatirələrdən danışıb.
Qasımov bildirib ki, qaynanası Siyavuş Aslanla qohum olub və onun Vasif Adıgözəlova “məni” deməsi məsələni gərginləşdirib: “Qayınanam çox cəsarətli qadın olub… ora nöyüt götürüb gətirib ki, özümü yandıracağam. Deyib ki, mənim kürəkənim Asəf Zeynallıda oxumalıdır.” Sənətçi əlavə edib ki, Vasif Adıgözəlov vəziyyətə müdaxilə edib və uzunmüddətli səyindən sonra bu qərarın verilməsinə gətirib çıxarıb.
Alim Qasımov həyat yoldaşı Tamilla ilə tanışlığını da xatırlayıb: o vaxt heç nəyi — pul, iş, ev — olmadığını, cibində 5 manat belə olmadığını, buna baxmayaraq Tamillanı izlədiyini və utandığı üçün hisslərini dərhal ifadə edə bilmədiyini söyləyib. Sənətçi anasının, həmçinin Tamillanın anasının da mərd qadın olduğunu vurğulayıb və gəncliyində qorxu hissinin onu müəyyən addımlardan saxladığını etiraf edib.
Podkastın yeni mövsümü və Alim Qasımovun danışdıqları verilişin tam buraxılışında izlənilə bilər.
DOĞRU.AZ
