image-2000x150px
image-5f406b6c-7e6a-4711-8a8d-ff4404f2ca2c_850backend

Azərbaycan Premyer Liqası: “Qarabağ” “Kəpəz”lə qarşılaşacaq

image-728x90px

Bu gün futbol üzrə Azərbaycan Premyer Liqasında V tura start veriləcək.

Ilk oyun günündə bir matç keçiriləcək.

Son ölkə çempionu “Qarabağ” Qəbələdə “Kəpəz”in qonağı olacaq. Rəqiblərindən bir oyun az keçirən “köhlən atlar” hazırda 9 xalla 2-ci pillədə qərarlaşıb. 4 matçın hamısında məğlub olan Gəncə təmsilçisi sonuncu – 10-cu yerdədir.

Bölgə komandaları indiyədək ölkə çempionatlarında 49 dəfə üz-üzə gəlib. Bunların 26-da Ağdam klubu, 14-də meydan sahibləri qələbə qazanıb. Topların nisbətində də “Qarabağ”ın aşkar üstünlüyü var – 67:54.

“Köhlən atlar” Premyer Liqadakı son 7 görüşün hamısında meydanı 3 xalla tərk edib. “Kəpəz” isə son 4 qarşılaşmada rəqibinə qol vura bilməyib.

Azərbaycan Premyer Liqası

V tur

1 sentyabr

19:00 “Kəpəz” – “Qarabağ”

Hakimlər: Əliyar Ağayev, Zeynal Zeynalov, Elşad Abdullayev, Fərid Hacıyev
VAR: Rəvan Həmzəzadə
AVAR: Eyyub İbrahimov
Hakim-inspektor: Ömər Paşayev
Qəbələ şəhər stadionu

Qeyd edək ki, turun “Şamaxı” – “Turan Tovuz” və “Neftçi” – “Sumqayıt” oyunları sentyabrın 3-də, “Sabah” – “Səbail” və “Zirə” – “Qəbələ” qarşılaşmaları sentyabrın 4-də baş tutacaq.

image-728x90px

  • whatsapp
  • messenger
  • telegram
  • vkontakte
  • odnoklassniki