image-2000x150px
image-123
image-ads_atlas
image-whatsapp-image-2024-01-29-at-16-08-45-750x375backend

Azərbaycan Respublikasının Prezidentinin həyata keçirdiyi islahatlar

image-728x90px

Azərbaycan Respublikasının Prezidentinin həyata keçirdiyi islahatlar nəticəsində formalaşmış mükəmməl dövlət idarəçilik sistemi beynəlxalq siyasi, iqtisadi, humanitar tədbirlər təşkil olunarkən, işğaldan azad olunmuş ərazilərdə reallaşdırılan nəhəng bərpa və yenidənqurma işlərində də öz yüksək effektivliyini aydın nümayiş etdirdi. Dövlət orqanlarının fəaliyyətinin təkmilləşdirilməsi, şəffaflaşdırılması, müasir dövrün tələblərinə uyğun çevik mexanizmlərin tətbiqi, savadlı gənc kadrların idarəçillik prosesinə cəlb edilməsi və həyata keçirilən digər tədbirlər qəbul olunan qərarların, dövlət başçısı tərəfindən verilən tapşırıqların həm vaxtında həm də keyfiyyətlə yerinə yetirilməsi üçün etibarlı zəmin yaratmışdır.

Prezident İlham Əliyevin uğurlu sosial-iqtisadi siyasətinin mərkəzində vətəndaş rifahının təminatı, ölkə əhalisinin sosial müdafiəsi dayanır. Bu məqsədlə, Prezidentin fərmanı ilə bir sıra dövlət qurumları ləvğ olunub və ya birləşdirilib. Bununla yanaşı bəzi yeni idarələr təsis olunub.

Cənab İlham Əliyevin ali dövlət vəzifəsində ilk günlərdən başlayaraq nümayiş etdirdiyi yüksək idarəçilik məharəti, milli maraqlara söykənən daxili və xarici siyasəti qısa müddətdə ona xalq arasında böyük rəğbət, sonsuz inam və etibar qazandırdı. Məhz bu keyfiyyətlərinə görə xalqımız 2008, 2013 və 2018-ci illərdə keçirilən prezident seçkilərində də Cənab İlham Əliyevi öz müstəqil dövlətinə yenidən rəhbər seçdi.

XXI əsrdə ərazi bütövlüyünü bərpa etmiş dövlət olan Azərbaycan yalnız öz gücünə, xüsusən də Prezident İlham Əliyevin əsəri olan güclü milli iqtisadiyyata sülh, əmin-amanlıq və inkişaf üçün yeni imkanlar gətirib.

Hazırda Prezident İlham Əliyevin rəhbərliyi ilə Azərbaycanın “yaşıl enerji” ölkəsi statusunun dünya miqyasında möhkəmləndirilməsi istiqamətində ardıcıl işlər aparılır. Bu Qlobal iqtisadiyyatda yaşıllaşdırma və korbonsuzlaşma meylləri qeyri-resurs iqtisadiyyatının inkişafı üçün imkanlar yaradır. Qeyd etməliyik ki, Qarabağ və Şərqi Zəngəzurun əhəmiyyətli potensialı var və bu, xarici investorların marağını cəlb edir.

Artıq bu sahədə də potensialın miqyası müəyyənləşdirilib, böyük investisiyalar cəlb olunmaqdadır. İxracat bazarı olaraq Avropa İttifaqı ilə anlaşma imzalanıb.

Rəqəmsal texnologiyaların iqtisadiyyatın müxtəlif sahələrində tətbiqi dayanıqlı inkişaf təkanvericilərinin hərəkətə gətirilməsini, ölkəmizin yeni qlobal trendlərə uyğunlaşmasını təmin edəcək.

Bu gün Azərbaycan xalqı öz tarixinin ən şərəfli və qürurverici dövrünü yaşayır. Prezident İlham Əliyevin rəhbərliyi ilə həyata keçirilən dövlət siyasətinin ən mühim istiqaməti işğaldan azad edilmiş ərazilərdə müasir sosial-mədəni infrastrukturun qurulması, kommunikasiya və nailiyyət xərclərinin bərpasıdır.

Bölgələrdə istehsal müəssisələrinin dirçəlişi və yeni sənaye obyektlərinin yaradılması, müasir infrastrukturun, yeni iş yerlərinin yaradılması, dövlət proqramlarının reallaşdırılması da əsas nailiyyətlər sırasında qeyd edilməlidir.

Reinteqrasiya komplekt xarakter daşıyır və ərazilərin iqtisadi dirçəlişi ilə yanaşı, sosial inkişafı da diqqət mərkəzindədir. Burada yaşayış üçün rahat şərait təmin edilir, sosial müdafiənin gücləndirilməsi, xidmətlərin qabaqcıl standartlara uyğun təmin olunması və məşğulluğun artırılmasına mühüm diqqət yetirilir.

Artıq soydaşlarımız azad edilmiş ərazilərdə salınan yeni yaşayış məskənlərində məskunlaşmağa başlayıblar. “Ağıllı şəhər, ağıllı kənd və yaşıl enerji zonası” konsepsiyalarının tətbiqi bölgədə rahat şəraiti təmin edir.

Dövlət başçısının dövlət müəssisələrinə özəl investisiyaların cəlb edilməsi ilə bağlı tədbirləri nəzərdə tutan Sərəncamı əsasında mühüm sektorları əhatə edən iri dövlət şirkətlərində geniş islahatlar davam etdiriləcək və onlarda dövlətin iştirak payı tədricən azaldılacaq.

Bundan başqa səhiyyə sahəsində inkişaf islahatları dövlətin keçirdiyi sosial siyasətin başlıca istiqamətlərindən biridir.

Ötən dövrdə ölkəmizdə elm və təhsilin inkişafına böyük diqqət yetirilmişdir. Ümumilli Liderimiz tərəfindən əsası qoyulan xaricdə təhsil siyasəti bu gün Prezident İlham Əliyev tərəfindən uğurla davam etdirilir.

Azərbaycanın 2030-cu ilədək Milli prioritetlərində və 2022-2026-cı illər üzrə sosial-iqtisadi inkişaf strategiyasında hədəflənən nəticələri əldə etməsi və sağlam prinsiplərə əsaslanmaqla gələcəkdə qeyri-neft iqtisadiyyatını daha da inkişaf etdirmək, daha yuxarı gəlirli ölkələr qrupuna daxil olması hədəflənir.

Məhz Prezident İlham Əliyevin düşünülmüş və məqsədyönlü siyasəti nəticəsində bu gün Azərbaycan qlobal proseslərin mənfi təsirindən minimum itkilərlə çıxmaqla yanaşı, beynəlxalq əhəmiyyətli strateji, enerji, nəqliyyat, logistika və kommunikasiya qovşağına, investorların maraq mərkəzinə çevrilmişdir.

Prezident İlham Əliyevin rəhbərliyi ilə ötən 20 ildə aparılan uğurlu islahatlar nəticəsində Azərbaycan iqtisadiyyatı 4 dəfədən çox böyüyüb, qeyri-neft sektorunda istehsal olunan ümumi daxili məhsulun (ÜDM) nominal həcmi 16 dəfə, dövlət büdcəsinin gəlirləri 30 dəfəyə qədər,
Dövlət Neft Fondunun strateji valyuta ehtiyatları isə 67 dəfədən çox artıb.

Azərbaycan Qarabağın Zəfər salnaməsini özünün güclü iqtisadi sistemini qurmaqla yaza bildi, 44 günlük müharibədə milli ideyası olan ərazilərinin bütövlüyü uğrunda “dəmir yumruğ”a çevrilərək işğalçıya qalib gəldi, haqq və ədaləti bərpa etdi.

Məhz güclü iqtisadiyyat ölkəmizin dinamik inşafı üçün geniş maliyyə imkanları yaratdı və respublikamızda dünyanın ən güclü ordularından birinin qurulması gerçəkləşdi. Prezident İlham Əliyev ulu öndərin iqtisadi siyasətini və onun tərkib hissəsi olan neft-qaz strategiyasını uğurla davam etdirərək Azərbaycanı Avropanın enerji təminatçısına çevirdi. Bu uğurlar beynəlxalq siyasi müstəvidə respublikamızı söz sahibinə çevirdi.

Bu gün dövlət başçısı İlham Əliyevin həyata keçirdiyi çoxşaxəli islahatlar Azərbaycan dövlətinin siyasi xarakterini və inkişaf yolunu müəyyən edir. Bu müəyyənləşmə Azərbaycanın qısa müddət ərzində iqtisadi inkişaf göstəricilərinə görə regionun aparıcı dövlətinə çevrilməsi faktıdır. Bakı–Tbilisi–Ceyhan, Bakı–Tbilisi–Ərzurum, Bakı–Tbilisi–Qars “Bir kəmər, bir yol” kimi nəhəng layihələrin gerçəkləşməsi, respublikamızın ümumilikdə Avropa regionunun gələcək enerji təhlükəsizliyi missiyasını üzərinə götürməsi xalqımızın dünya arenasında layiqli yerini təmin edir. Azərbaycan vətəndaşının gün-güzəranı yaxşılaşır, şəhər, kənd və qəsəbələr abadlaşır, respublikamızda ağır sosial problemlər artıq öz həllini tapır. Bütün bunlarla yanaşı, Azərbaycanda hüquqi dövlətin təntənəsi, qanunların aliliyi, haqq-ədalətin zəfəri üçün lazımi tədbirlər həyata keçirilir. Azərbaycanın mövcud iqtisadi potensialının insan kapitalına çevrilməsi istiqamətində atılan addımlar ölkəmizin elmi inkişafına doğru sürətli kurs götürdüyünü təsdiqləyir.

Yekun olaraq qeyd etmək yerinə düşər ki, Prezident İlham Əliyevin rəhbərliyi ilə həyata keçirilmiş tədbirlər nəticəsində Azərbaycan 20 il ərzində iqtisadi inkişaf parametrlərinə görə dünyada lider mövqeyə malik olub. Dövlət başçısının uzaqgörən siyasəti nəticəsində bu inkişafın qarşıdakı illərdə daha da artacağını vurğulamaq olar. Əminliklə deyə bilərik ki, həmişə olduğu kimi, bundan sonra da uzun illər xalqımız Prezident möhtərəm Cənab Əliyevin ətrafında sıx birləşərək böyük uğurlara imza atacaq.

Azərbaycan Dövlət İqtisad Universitetinin Karyera Planlaşdırılması və İnkişafı kafedrasının müəllimi
Məmmədov İsmayıl Rəşad oğlu

image-nerjbanner

  • whatsapp
  • messenger
  • telegram
  • vkontakte
  • odnoklassniki