Bakı-Quba-Rusiya Federasiyası ilə dövlət sərhədinə qədər olan ödənişli avtomobil yolunda yüksək sürətlə idarə olunan “Range Rover” markalı maşının dövlət qeydiyyat nişanı satışa çıxarılıb.
Doğru.az Qaynarinfo-ya istinadən xəbər verir ki, söhbət ötən həftə Axundzadə Əsmər Roman qızının saatda 200 km sürətlə idarə etdiyi 77 ES 777 dövlət qeydiyyat nişanlı avtomobildən gedir.
Qeydiyyat nişanı hazırda mashin.al elan saytında satışdadır.
Elan ötən ilin avqust ayında yerləşdirilib. Qeydiyyat nişanına 18 000 AZN qiymət qoyulub.
Qeyd edək ki, sosial şəbəkədə “Esma Nur” adı ilə tanınan Axundzadə Əsmər Roman qızı idarə etdiyi 77-ES-777 qeydiyyat nişanlı, “Range Rover” markalı avtomobillə videoçəkiliş aparmaqla kobud qayda pozuntularına yol verdiyi üçün DYP əməkdaşları tərəfindən saxlanılıb.
DOĞRU.AZ
