Beynəlxalq Olimpiya Komitəsi (BOK) sərbəst güləş üzrə ikiqat olimpiya çempionu Əbdülrəşid Sadulayevə 2024-cü il Oyunlarına vəsiqə qazanmağa icazə verməyib.
Bu barədə Rusiya Güləş Federasiyasının mətbuat xidməti məlumat yayıb.
“Növbəti psevdo-yoxlamadan sonra BOK beynəlxalq yarışlarda iştirakına icazə verilməyənlərin yeni siyahılarını dərc edib. Əbdülrəşid Sadulayevin də onların içində olduğu ortaya çıxdı”, – mesajda deyilir.
Fevralda Rumıniya sərhədçiləri Əbdülrəşid Sadulayevi sərbəst güləş üzrə Avropa çempionatında iştirak etmək üçün ölkəyə buraxmayıblar.
27 yaşlı Sadulayev Rio-de-Janeyro və Tokioda keçirilən Olimpiya Oyunlarının qalibidir. O, həm də dördqat Avropa çempionu, beşqat dünya çempionu və dünya kubokunun qalibidir.
Mənbə: Sports.ru
