Türkiyə xarici işlər naziri Mövlud Çavuşoğlu ilə ABŞ dövlət katibi Entoni Blinkenin telefon danışığı olub.
Doğru.az xəbər verir ki, görüşdə ikitərəfli, regional mövzulardan başqa BMT Baş Assambleyasının Fələstin toplantısı, Qəzzada atəşkəs elanı və bundan sonrakı proses, Əfqanıstan, Suriyaya humanitar yardım və Şərqi Aralıq dənizindəki inkişaflar müzakirə edilib.
Blinken telefon danışığından sonra tvitterdə açıqlama yayaraq “Bu gün Mövlud Çavuşoğlu ilə danışmaq fürsəti tapdım. Ortaq prioritetlər üzrə NATO müttəfiqimiz olan Türkiyə ilə əməkdaşlığımızı davam etdirmək çox vacibdir. Həmçinin Yunanıstanla konstruktiv danışıqları dəstəklədiyimizi dilə gətirdik. Demokratiya və insan haqlarının əhəmiyyətini vurğuladım”,- deyə bildirib.
DOĞRU.AZ
