Ukrayna Çexiyanın sursat almaq təşəbbüsü çərçivəsində 1,5 milyon artilleriya mərmisi ala bilər.
RİA Novosti xəbər verir ki, bu barədə Çexiyanın Baş naziri Petr Fiala bildirib.
Onun sözlərinə görə, 20 ölkə onların sursat tədarükü təşəbbüsünə qoşulduqdan sonra Kiyevi yarım milyon mərmi ilə təchiz etmək mümkün olub.
“Yeni təchizatların olacağına inanırıq. Növbəti 12 ay ərzində daha bir milyonu çatdıra bilməməyimiz üçün heç bir səbəb yoxdur”, o əlavə edib.
Bundan əvvəl Çexiyanın xarici işlər naziri Yan Lipavski bildirmişdi ki, Ukraynanın Avropa İttifaqı və NATO-dakı müttəfiqləri Ukrayna üçün 300 min artilleriya mərmisi almaq üçün pul toplayıblar.
Mənbə: RİA Novosti
