Yay turizm mövsümü ilə əlaqədar olaraq vətəndaşların istirahət zonalarına axını artıb. Bu səbəbdən çimərlik və istirahət mərkəzlərində təhlükəsizliyin təmin olunması məqsədilə polis əməkdaşları gücləndirilmiş iş rejimində xidmət aparırlar.
Doğru.az xəbər verir ki, vətəndaşlarla maarifləndirici söhbətlər aparılır, onlara əraziləri çirkləndirməmək və təhlükəsizlik qaydalarına riayət etməyin vacibliyi izah olunur. Eyni zamanda, sıxlıq olan çimərliklərdə müxtəlif nəqliyyat vasitələrinin idarə olunmasının yolverilməz olduğu bildirilib. Bu cür halların digər şəxslərin həyatına təhlükə yaratdığı vurğulanıb.
Təhlükəsizlik məqsədilə bu istiqamətdə nəzarət tədbirləri davam etdirilir.
DOĞRU.AZ
