Çinin xarici işlər naziri Vanq Yi fələstinli və israilli həmkarları Riyad əl-Maliki və Eli Koen ilə telefon danışığı aparıb.
Bu barədə Çin Xarici İşlər Nazirliyinin saytında məlumat verilib.
Maliki ilə danışıqlar zamanı asiyalı diplomat bildirib ki, “Çin Fələstinin, xüsusən də Qəzza xalqının acınacaqlı vəziyyətinə dərin rəğbət bəsləyir” və “mülki insanlara zərər verən bütün hərəkətləri pisləyir və buna qarşıdır”.
“Hazırda Qəzzə xalqının müharibə, silah və sursata deyil, ən çox təhlükəsizlik, qida və dərmana ehtiyacı var; Qəzza zolağına ən çox ehtiyacı olan geosiyasi hesablamalar deyil, müharibəni bitirmək və sülhü bərqərar etmək səyləridir”, – Vanq Yi vurğulayıb.
Eyni zamanda, hər iki tərəfin Xarici İşlər Nazirliyinin rəhbərləri ilə söhbətində o, münaqişənin yeganə həllinin BMT Baş Assambleyasının qətnamələrinə uyğun olaraq Fələstin ərazisində yəhudi və ərəb dövlətlərinin yaradılması olduğunu vurğulayıb.
Mənbə: Haber Global
