Doğru.az verir, UEFA Çempionlar Liqasının yeni formatının təsdiqlənəcəyi tarix müəyyənləşib
UEFA İcraiyyə Komitəsi martın 31-də turnirdə bəzi islahatlar edildiyini açıqlayacaq. Yeni format 2024-cü ildən tətbiq ediləcək.
Yeni formata əsasən, klub sayı 32-dən 36-yadək artırılacaq. Komandaların qruplara bölünməsinin ləğvi təklif olunur. Əvəzində turnir İsveçrə sistemi ilə oynanılacaq. Beləliklə, hər klub fərqli rəqiblərə qarşı ən azı 10 matç (5 evdə, 5 səfərdə) keçirəcək. Bundan sonra isə turnir cədvəli formalaşacaq.
İlk 8 klub birbaşa 1/8 finala yüksələcək. Digər komandalar isə növbəti mərhələyə yüksəlmək üçün yenidən mübarizə aparacaqlar.