Serbiyanın paytaxtı Belqradda keçirilən güləş üzrə Fərdi Dünya Kuboku davam edir.
Doğru.az xəbər verir ki, Azərbaycan millisinin güləşçisi Eldəniz Əzizli (55 kq) bu gün təsəlliverici görüşdə Ermənistan idmançısı Rudik Mkrtçyana qalib gəlib. O, rəqibini 9:0 hesabı ilə məğlub edib. Təmsilçimiz bununla da bürünc medal uğrunda qarşılaşmaya vəsiqə qazanıb.
Dünya və Avropa çempionumuz 3-cü yer uğrunda görüşdə Balbay Dordokovla (Qırğızıstan) güləşəcək. Medal görüşü Bakı vaxtı ilə saat 22:00-da başlayacaq.
