Noyabrın 6-da İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova publik hüquqi şəxsin inzibati binasında (Ünvan: Bakı şəhəri, Yasamal rayonu, Hüseyn Cavid prospekti, 135) Bakı şəhərindən olan vətəndaşlarla görüşəcək.
Əmlak Məsələləri Dövlət Xidmətindən Doğru.az-a bildirilib ki, saat 11:00-dan etibarən keçiriləcək qəbulda vətəndaşlar daşınmaz əmlakın qeydiyyatı, kadastrı və digər aidiyyəti məsələlərlə bağlı müraciət edə bilərlər.
Görüşdə iştirak etmək istəyənlər (012)-5108430 (daxili:7265) və 055 3036127 nömrəli telefonlarla, həmçinin, dedkr.baki@emlak.gov.az və rsalmanli@emlak.gov.az elektron ünvanları vasitəsilə noyabrın 5-dək müraciət edib qeydiyyatdan keçə bilərlər.
DOĞRU.AZ
