Ontariodakı Queens Universitetinin kanadalı bioloqları müəyyən ediblər ki, 21-ci əsrdə iqlimin kəskin istiləşməsi Kanada Arktikasında yerləşən Şimali Amerikanın ən dərin gölü olan Böyük Qul gölünün ekologiyasında görünməmiş dəyişikliklərə səbəb olur.
Araşdırma Proceedings of the Royal Society B: Biological Sciences (RSPB) elmi jurnalında dərc olunub.
Mütəxəssislər göl çöküntülərini təhlil edərək belə nəticəyə gəliblər ki, buz örtüyünün azalması və digər iqlim amilləri nəticəsində göldə yosun icmalarının tərkibi tamamilə dəyişib. Yosunlar suyun qida zəncirinin əsasını təşkil etdiyi üçün bu dəyişikliklər yeni ekoloji rejimin başlanğıcını göstərir.
Alimlər qeyd ediblər ki, bu cür genişmiqyaslı dəyişikliklər balıqçılıq və su ekosistemlərinin işləməsi üçün hələ məlum olmayan nəticələrə səbəb olacaq ki, bu da yerli xalqların və Kanadanın digər şimal icmalarının həyatına təsir edəcək.
Mənbə: Haberler.com
